भीम रावलको गृह जिल्लामा अक्सिजन खरिद गर्न प्रेम आलेको आर्थिक सहयोग

काठमाडौं । वन तथा वातावरणमन्त्री प्रेमबहादुर आलेले जिल्ला अस्पताल अछाममा अक्सिजन खरिद गर्नका लागि व्यक्तिगततर्फबाट १ लाख रुपैयाँ सहयोग गरेका छन् । अक्सिजन नपाउँदा कोरोना सङ्क्रमितको उपचारमा समस्या भएको जानकारी भएपछि उनले अस्पताललाई आफ्नोतर्फबाट एक लाख रुपैयाँ उपलब्ध गराएको मन्त्रीका स्वकीय सचिव हेमन्त रेग्मीले जानकारी दिए ।

अछाममा अक्सिजन अभाव भएका कारण त्यहाँका नागरिकले अक्सिजन किन्नका लागि अभियानसमेत सञ्चालन गरेका थिए । अक्सिजन नभएकै कारण जिल्लामा कैयौँ कोरोना सङ्क्रमितले अकालमै ज्यान गुमाएका थिए । अक्सिजन खरीद गर्न रकम प्रदान गरेपछि यहाँका कोरोना सङ्क्रमितको उपचारमा निकै राहत पुग्ने जिल्ला अस्पताल अछामका मेडिकल सुपरिटेन्डेन्ट डा.अतुल भारद्वाजले बताए ।

उनले भने – ‘अक्सिजन नहुँदा कोरोना सङ्क्रमितको उपचारमा निकै समस्या भएको थियो, मन्त्रीज्यूले अक्सिजन किन्न व्यक्तिगतरुपमा रकम उपलब्ध गराएपछि अब सहज हुने छ ।’ अछाम एमालेका निष्कासिन नेता भीम रावलको निर्वाचन क्षेत्र हो । रावल र आलेबीच राजनीतिक रुपमा आरोप प्रत्यारोप चल्ने गरेको छ ।

प्रतिक्रिया

One thought on “भीम रावलको गृह जिल्लामा अक्सिजन खरिद गर्न प्रेम आलेको आर्थिक सहयोग

  1. Great work, Mr Ale one of the great leader for western part of Nepal, he is always be ours hurt. Thanks on my behalf.

Leave a Reply

Your email address will not be published. Required fields are marked *