अमेजनले किन्यो ‘जेम्स बन्ड’ फिल्म निर्माता कम्पनी एमजीएम, ८.४५ बिलियन डलरमा मर्जर – Nepal Press

अमेजनले किन्यो ‘जेम्स बन्ड’ फिल्म निर्माता कम्पनी एमजीएम, ८.४५ बिलियन डलरमा मर्जर

न्यूयोर्क । विश्वचर्चित कम्पनी अमेजन र हलिउड स्टुडियो एमजीएमबीच मर्जर भएको छ । भेराइटीका अनुसार जेफ बेजोसको अमेजनले ८.४५ बिलियन डलरमा एमजीएमलाई खरिद गरेको हो ।

दुबै कम्पनीले बुधबार औपचारिकरुपमा मर्जर भएको घोषणा गरेका छन् । झन्डै शताब्दी लामो फिल्म निर्माणको इतिहास बोकेको एमजीएमले सुरुमा टेलिभिजन सिरिजको निर्माण गरेको थियो ।

मर्जरसँगै अमेजनले एमजीएमको सम्पदा र फिल्मको क्याटालगलाई सुरक्षित राखिराख्ने प्रतिबद्धता जनाएको छ । साथै, आफ्ना उत्पादनलाई उपभोक्तालाई बृहत पहुँच दिने प्रतिबद्धता पनि छ ।

अमेजनको इतिहासमा उसका लागि यो अहिलेसम्मकै दोस्रो ठूलो खरिद सम्झौता हो । यसअघि उसले सन् २०१७ मा होल फुड्स चेनलाई १३.७ बिलियन डलरमा खरिद गरेको थियो ।

एमजीएम बहुचर्चित हलिउड फिल्म सरिज ‘जेम्स बन्ड’को निर्माता पनि हो । मर्जरसँगै अब जेम्स बन्डको रिलिज कुन माध्यमबाट हुन्छ भन्ने कुराको टुंगो लागिसकेको छैन ।

 


प्रतिक्रिया

Leave a Reply

Your email address will not be published. Required fields are marked *