महामारी नियन्त्रणमा ध्यान दिन सरकारलाई राजेश हमालको सुझाव – Nepal Press

महामारी नियन्त्रणमा ध्यान दिन सरकारलाई राजेश हमालको सुझाव

काठमाडौं । अभिनेता राजेश हमाल हत्तपत्त सरकारी गतिविधिमा टिप्पणी गर्दैनन् । राजनीतिक र सामाजिक मुद्दामा चासो राख्ने स्वभावका उनी यी मुद्दामा विरलै आफ्नो दृष्टिकोण पेश गर्छन् ।

तर, उनी यसपटक सरकारको काम कार्यावहीलाई लिएर असन्तुष्टि छन् । कोरोनाभाइरस महामारीमा सरकारी व्यवस्थापनलाई लिएर असन्तुष्ट हमालले महामारीमा ध्यान केन्द्रित गर्न सरकारलाई आग्रह गरेका छन् ।

महामारी व्यवस्थापनमा ध्यान दिनुपर्ने सरकार सत्ताकै खेलमा लागेको भन्दै हमालले दुःख व्यक्त गरेका छन् । सोमबार फेसबुक लाइभमार्फत हमालले सरकार र राजनीतिज्ञलाई प्राथमिकता बुझ्न सुझाएका छन् ।

नेपालको स्वास्थ्य संकटलाई लिएर बेलायतको संसदमा भएको छलफलको सन्दर्भ उल्लेख गर्दै हमालले नेपाली सरकारलाई यसबारे संवेदनशिल भइदिन आग्रह गरे ।

‘सरकारले आफ्नो विवेक र ऊर्जा महामारी नियन्त्रणमा केन्द्रित गर्नुपर्ने हो तर, सरकार र राजनीतिज्ञ राजनीतिक मुद्दामा रुमल्लिइरहेका छन् । अब खोप लगाउने र महामारीमा केन्द्रित भएर अघि बढ्नु जरुरी छ’ उनले भने ।


प्रतिक्रिया

Leave a Reply

Your email address will not be published. Required fields are marked *