सभामुखसँगको छलफलमा तीन पूर्वसभामुख मात्रै उपस्थित – Nepal Press

सभामुखसँगको छलफलमा तीन पूर्वसभामुख मात्रै उपस्थित

काठमाडौं । सभामुख अग्निप्रसाद सापकोटा र पूर्वसभामुखहरूबीचको छलफल संसद भवन बानेश्वरमा जारी छ । संसद विघटन र पछिल्ला राजनीतिक घटनाक्रमबारे परामर्श गर्न सापकोटाले बोलाएको छलफलमा तीन पूर्वसभामुख मात्रै सहभागी छन् ।

पूर्वसभामुख रामचन्द्र पौडेल, कृष्णबहादुर महरा र ओनसरी घर्तीमात्र छलफलमा गएका छन् । तारानाथ रानाभाट भर्चुअल रूपमा सहभागी भएको सभामुखको सचिवालयले जनाएको छ । सुवास नेम्वाङ, महरा, घर्ती, पौडेल, तारानाथ रानाभाट र दमननाथ ढुंगानासमेत अहिले ६ पूर्वसभामुख छन् ।

पूर्वसभामुख नेम्वाङले भने आज आफ्नो पूर्वनिर्धारित कार्यक्रम भएकाले छलफलमा उपस्थित हुन नसक्ने बताएका थिए।

सभामुख सापकोटाले संसद विघटन असंवैधानिक भएको भन्दै यसविरुद्ध उभिन अपिल गरिसकेका छन् । उनी पहिलोपटक संसद विघटन हुँदा पनि यसविरुद्ध उभिएका थिए।

प्रतिक्रिया

Leave a Reply

Your email address will not be published. Required fields are marked *