भोजपुरका विपक्षी गठबन्धनको टिप्पणी – संसद विघटन लोकतान्त्रिक गणतन्त्रमाथिको प्रहार – Nepal Press

भोजपुरका विपक्षी गठबन्धनको टिप्पणी – संसद विघटन लोकतान्त्रिक गणतन्त्रमाथिको प्रहार

भोजपुर । विपक्षी गठबन्धनमा रहेका यहाँका दलहरूले संसद विघटन गरेर राष्ट्रपति र प्रधानमन्त्रीले असंवैधानिक र गैरजिम्मेवार काम गरेको टिप्पणी गरेका छन् ।

जिल्ला नेतृत्वको संयुक्त बैठकले कांग्रेस सभापति शेरबहादुर देउवालाई प्रधानमन्त्री बनाउन बहुमत सांसदहरूको दावीलाई संविधानको संरक्षणको दायित्व बोकेको राष्ट्रपतिबाट प्रहार भएको आरोप लगाइएको छ ।

नेपाली कांग्रेसका सभापति नन्दमणि राई, नेकपा माओवादी केन्द्रका संयोजक नगेन्द्र भुजेल, एमालेको माधव पक्षका अध्यक्ष शरणकुमार नेपाल र जनता समाजवादी पार्टीका अध्यक्ष आशकुमार राईले संयुक्त प्रेस वक्तव्यमार्फत सो कदमको प्रतिवादका लागि आव्हान गरिएको छ ।

‘राष्ट्रपतिले संविधान विपरित प्रधानमन्त्री केपी ओलीको मिलोमतोमा प्रतिनिधिसभाको विघटन गरी नेपालको संविधान र संघिय लोकतान्त्रिक गणतन्त्रमाथि नै प्रहार गरिएको छ’, विज्ञप्तिमा भनिएको छ, ‘संविधानको रक्षाको लागि सम्पूर्ण भोजपुरे राजनितिक दल, नागरिक समाज, मानव अधिकारवादी, पत्रकार तथा वुद्धिजिवी जनसमुदायहरूमा एकतावद्ध भएर प्रतिवाद गर्न हार्दिक आव्हान गर्दछौं ।’

प्रतिक्रिया

Leave a Reply

Your email address will not be published. Required fields are marked *