युरोका लागि घोषित स्पेनिस टोलीमा कप्तान नै परेनन् ! – Nepal Press

युरोका लागि घोषित स्पेनिस टोलीमा कप्तान नै परेनन् !

एजेन्सी । नियमित कप्तान सर्जियो रामोसलाई टिमबाट बाहिर राख्नै प्रशिक्षक लुइस इनरिकेले आसन्न युरो–२०२० का लागि स्पेनिस राष्ट्रिय फुटबल टोलीको घोषणा गरेका छन् ।

रियल मड्रिडका सेन्टर ब्याक रामोस अहिले चोटसँग जुधिरहेका छन् र यो वर्ष स्पेनिस टोलीका लागि एकमात्र खेल मार्चमा खेलेका छन् ।

उनको अनुपस्थितिको अर्थ के पनि हो भने बार्सिलोनाका पूर्व प्रशिक्षक इनरिकेले नेतृत्व गरेको स्पेनिस टोलीमा रियल मड्रिडका एकजना पनि खेलाडी समावेश छैनन् ।

उमेर समूहमा फ्रान्सको राष्ट्रिय टोलीबाट खेलेका म्यानचेस्टर सिटीका डिफेण्डेर एमेरिक लापोर्टे यसपल्ट २४ सदस्यीय स्पेनिस टोलीमा समेटिएका छन् । दुवै देशको नागरिकता रहेका उनले हालै मात्र फिफाबाट अनुमति पाएका थिए ।

उनी स्पेनिस टोलीमा पुगेका प्रिमियर लिग खेल्ने १० खेलाडीमध्ये एक हुन् । इनरेकेले म्यानचेस्टर सिटीका ४, बार्सिलोनाका ३ खेलाडीलाई राष्ट्रिय टोलीमा समावेश गरेका छन् ।

रामोसले मार्चमा भएको विश्वकप छनोटअन्तर्गतको खेलमा ग्रिसबिरुद्धको बराबरीमा सब्स्टिच्युडका रुपमा मैदान छिरेका थिए भने कोसोभोविरुद्धको जितका क्रममा सुरुआती टोलीमा रहेका थिए ।

त्यसयता रामोस मे ५ मा चेल्सीसँगको च्याम्पियन्स लिग दोस्रो लेगमा रियलको टोलीबाट मैदानमा उत्रिएका थिए । त्यो उनको यो सिजनमै क्लबका लागि पाँचौं खेल थियो ।

रामोससँग उनकै सल्लाहमा टिममा नराखिएको प्रशिक्षक इनरिकेले प्रष्ट पारेका छन् । इनरिकेले रामोस निकै नै व्यवसायिक खेलाडी भएको र टिममा उनको अनुभव तथा नेतृत्व अभाव रहनेसमेत बताए ।


प्रतिक्रिया

Leave a Reply

Your email address will not be published. Required fields are marked *