सरकारी अस्पताललाई पत्रकार महासंघकोे ६० लाख सहयोग

रुपन्देही । नेपाल पत्रकार महासंघ गुल्मीले जिल्ला अस्पतालमा अक्सिजन प्लान्ट स्थापनाका लागि ६० लाख रुपैयाँ संकलन गरेर बुझाएको छ ।

अक्सिजन अभाव भएर कोरोना संक्रमितहरुलाई भर्ना गर्न नसेको र भर्ना भएका बिरामी अक्सिजन अभावकै कारण गुमाउनु परेपछि पत्रकार महासंघ गुल्मीले बैशाख २५ गतेदेखि ’अक्सिजन अभियान’ सञ्चालन गरी सहयोग रकम उठाउन सुरु गरेको अध्यक्ष टोपलाल अर्यालले बताए ।

सोमबार अध्यक्ष अर्यालसहित महासंघको टोलीले जिल्ला अस्पतालका मेसु डाक्टर पाच्यालाई सो रकम हस्तान्तरण गरेको थियोे ।
पत्रकार महासंघको यो अभियानमा जिल्ला समन्वय समिति गुल्मीले १० लाख रुपैयाँ सहयोग गरेको थियो ।

सो रकम र ५० लाखको चेकसहित ६० लाख रुपैयाँ लिँदै मेसु डाक्टर उत्तम पाच्याले अब छिट्टै प्लान्ट स्थापना हुने जनाएका थिए । उनले सामाजिक अभियानमा पत्रकार महासंघले गरेको योगदानको प्रशंसा गरे ।

पत्रकार महासंघका उपाध्यक्ष तथा आर्थि व्यवस्थापन समितिका संयोजक रेशम कुँवरले घोषित केही रकम उठ्न बाँकी रहेको बताए ।
यसअघि महासंघले ५ लाख मूल्य बराबरको २० वटा ठूला भरिएका अक्सिजन सिलिण्डर अस्पताललाई प्रदान गरेको सचिव प्रेम सुनारले बताए ।

 

प्रतिक्रिया

Leave a Reply

Your email address will not be published. Required fields are marked *