कांग्रेस नेता घिमिरेको आरोप- देउवाले एमालेका सांसदको हस्ताक्षरमा दरखास्त हाल्नु पार्टीलाई कलंक – Nepal Press

कांग्रेस नेता घिमिरेको आरोप- देउवाले एमालेका सांसदको हस्ताक्षरमा दरखास्त हाल्नु पार्टीलाई कलंक

काठमाडौं । नेपाली कांग्रेसका नेता तथा पूर्व मन्त्री लक्ष्मण घिमिरेले एमालेका सांसदका हस्ताक्षरसहित राष्ट्रपतिसमक्ष प्रधानमन्त्री पदका लागि दरखास्त हाल्नु ठूलो राजनीतिक भूल भएको टिप्पणी गरेका छन् ।

कांग्रेस नेता घिमिरेले सभापति देउवालाई खुला पत्र लेख्दै संसदीय परिपाटीमा विश्वास राख्ने पार्टीले यस्तो निर्दलीय चरित्रलाई प्रश्रय दिनु पार्टीका लागि कलंक बनेको बताएका छन् ।

घिमिरेले भनेका छन्- पार्टी नफुटिकन तिनीहरुले कसरी तपाईंको पक्षमा मतदान गर्न सक्थे ? फेरि दलीय संसदीय परिपाटीमा विश्वस राख्ने नेपाली कांग्रेस पार्टीले यस्तो निर्दलीय चरित्रलाई प्रश्रय दिनु आफैंमा पार्टीलाई कलंक पनि हो । यसैलाई नजिर बनाएर भोलिका दिनहरुमा कांग्रेसका केही सांइसदलाई अरुले प्रयोग गरेमा के आधारमा विरोध गर्ने ?

घिमिरेले २०५० सालमा सरकारका नीति तथा कार्यक्रम संसदबाट नेपाली कांग्रेसका ३६ जना सांसदको अनुपस्थितिले गर्दा पारित हुन नसकी मुलुक मध्यावधि निर्वाचनमा धकेलिएको स्मरण समेत गरेका छन् ।

सोही प्रकरणले बिग्रिएको नेपालको राजनीतिले अझै स्थिरता पाउन नसकेको भन्दै घिमिरेले देउवालाई अरुको पार्टीका सांसद बोकेर प्रधानमन्त्री पद दावी गर्नु गलत भएको बताएका छन् ।

प्रतिक्रिया

2 thoughts on “कांग्रेस नेता घिमिरेको आरोप- देउवाले एमालेका सांसदको हस्ताक्षरमा दरखास्त हाल्नु पार्टीलाई कलंक

  1. Dai dherai ramro lagyo hajur ko bislesan , sabai ko aankha khulosh, yesai prasang ma Benup Raj Prasain le garnu vayeko pani dherai sandarvik xa

  2. यी लक्ष्मण घिम्रे-बड्डाले के चाँही नपाएर साह्रै चित्त दुखाए ? सेरे-जी ले सुनी दिनु राम्रै होला।

Leave a Reply

Your email address will not be published. Required fields are marked *