इजरायल र प्यालेस्टाइनबीच युद्धविराम घोषणा, अन्तर्राष्ट्रिय समुदायद्वारा स्वागत

गाजा । अन्ततः इजरायल र प्यालेस्टाइनी विद्रोही समूह हमासबीच युद्धविराम गर्ने सहमति भएको छ । अन्तर्राष्ट्रिय संचारमाध्यमका अनुसार शुक्रबार बिहानैदेखि युद्धविराम लागु भएको छ ।

११ दिनदेखि गाजा क्षेत्रमा दुबै पक्षबाट भएको रकेट हानाहानमा २४० जनाको मृत्यु भएको थियो । युद्धविराम लागु भएपछि इजरायल र प्यालेस्टाइन दुबै आफ्नो जित भएको दाबी गरिरहेका छन् ।

अन्तर्राष्ट्रिय दबाबपछि दुबै पक्ष युद्धबिराम गर्न सहमत भएका हुन् । राष्ट्रसंघ र अमेरिकाले युद्धविरामको स्वागत गरेका छन् । अमेरिकी राष्ट्रपति जो बाइडेनले युद्धविराम शान्ति प्रक्रियाका लागि महत्वपूर्ण अवसर भएको बताए ।

विहिबार १०० भन्दा बढी इजरायली रकेटले उत्तरी गाजामा रहेका हमास विद्रोहीका पूर्वाधारलाई लक्षित गर्दै आक्रमण गरेका थिए । हमासले प्रतिरक्षमा रकेट प्रहार गरेको थियो ।

मुस्लिम र यहुदी दुबैले पवित्र स्थल मान्ने नियन्त्रित पूर्वी जेरुसेलेमस्थित एक मस्जिदमा हिंसा मच्चिएपछि गत मे १० देखि इजरायल र प्यालेस्टाइनबीच तनाव सुरु भएको थियो ।

१०० भन्दा बढी महिला र बालबालिकासहित २३२ भन्दा बढीको ज्यान गएको हमास नियन्त्रित स्वास्थ्य मन्त्रालयले जनाएको छ । इजरायल भने गाजा क्षेत्रमा १०० सेना मरेको बताएको छ । हमासले भने मारिएका लडाकुबारे तथ्यांक दिएको छैन ।

युद्धविराम घोषणापछि अमेरिकी राष्ट्रपति बाइडेनले इजरायली प्रधानमन्त्री बेन्जामिन नेतान्याहुलाई फोन गरेका छन् ।

 

प्रतिक्रिया

Leave a Reply

Your email address will not be published. Required fields are marked *