पाकिस्तानी अर्थमन्त्रीलाई नेपाल भ्रमणको निम्तो

इस्लामाबाद । नेपालले पाकिस्तानी अर्थमन्त्री ओमर अयुव खानलाई भ्रमणको निम्तो दिएको छ ।

पाकिस्तानी अर्थ मन्त्रालयमा भएको भेटमा नेपाली राजदूत तपस अधिकारीले उक्त निम्तो दिएका हुन् ।

नेपालले आयोजना गर्ने अर्थमन्त्रीस्तरिय बैठकको लागि राजदूत अधिकारीले उक्त निम्तो दिएका हुन् । दुई महिनापछि आयोगको बैठक बस्नेबारे छलफल भैरहेको छ ।

भेटमा पाकिस्तानी अर्थमन्त्री खान र नेपाली राजदूतबीच द्धिपक्षीय सहकार्य, कोभिड-१९ महामारीको अवस्था लगायतको विषयमा छलफल भएको थियो । सो अवसराम पाकिस्तानी मन्त्रीले नेपाललाई सहयोगको आश्वासन समेत दिएका छन् ।