सप्तरीमा निषेधाज्ञा कडा- बैंक तथा वित्तीय संस्थाहरु पनि बन्द – Nepal Press

सप्तरीमा निषेधाज्ञा कडा- बैंक तथा वित्तीय संस्थाहरु पनि बन्द

जनकपुरधाम । कोरोना संक्रमण भयावह बनेपछि जिल्ला प्रशासन कार्यालयले आजदेखि सप्तरीमा बैंक तथा वित्तीय संस्थाहरु पनि बन्द गराएको छ ।

बुधवार प्रमुख जिल्ला अधिकारी फणिन्द्रमणि पोखरेलले सूचना जारी गरेर बैंक तथा वित्तीय संस्थाहरु एक साताका लागि बन्द गर्न निर्देशन दिएका थिए ।

सप्तरीमा वैशाख २३ गतेबाट निषेधाज्ञा जारी छ । संक्रमण दर बढेपछि बैंक तथा वित्तीय संस्थाहरु पनि बन्द गराउनु परेको प्रमुख जिल्ला अधिकारी पोखरेलले जानकारी दिए ।

यस्तै जिल्लाका प्रत्येक कार्यालयलाई आ-आफ्नो निकायगत जिम्मेबारी बाहेक कोभिड १९ को महामारी रोकथाम र नियन्त्रणमा के कस्तो भूमिका खेल्न सकिन्छ भन्ने कुराको तीन दिनभित्र जिल्ला प्रशासन कार्यालयको इमेलमा पठाउन पनि निर्देशन दिएको छ ।

यस्तै प्रत्येक कार्यालयले आफूसँग भएको सवारी साधन र चालक कोभिड-१९ महामारी रोकथाम र नियन्त्रणमा प्रयोग हुनसक्ने गरी तयारी हालतमा राख्न पनि निर्देशन दिएको छ ।

प्रदेश २ का अन्य सात जिल्लामा पनि प्रशासनले निषेधाज्ञा लगाएको छ । तर बैंक तथा वित्तीय संस्थाहरु भने बन्द गरिएको छैन । समिति अवधिका लागि बैंक तथा वित्तिय संस्थाहरु सञ्चालन गर्न दिएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर