सुदूरपश्चिममा २४ घण्टामा २३४ जनाले जिते कोरोना

कैलाली । सुदूरपश्चिम प्रदेशमा पछिल्लो २४ घण्टामा १४ जना कोरोना संक्रमितको मृत्यु भएको छ ।

सबैभन्दा धेरै कंचनपुरमा ६, कैलालीमा ५, डोटी र दार्चुलाका १/१ जनाको मृत्यु भएको प्रदेश स्वास्थ्य निर्देशनालयले जनाएको छ ।

कपिलवस्तुका एक जनाको पनि आज प्रदेशमा ज्यान गएको छ । योसँगै प्रदेशभर कोरोना संक्रमणबाट मृत्यु हुनेको संख्या ३ सय ७२ पुगेको छ ।

२४ घण्टामा ५८३ जनामा कोरोना भाइरसको संक्रमण पुष्टि भएको छ । योसँगै सुदूरपश्चिममा संक्रमितको संख्या ३१ हजार छ सय ७५ पुगेको छ । २४ घण्टामा २३४ जना संक्रमण मुक्त भएका छन् ।

प्रतिक्रिया

Leave a Reply

Your email address will not be published. Required fields are marked *