रुपन्देहीमा एकैदिन ७७८ जना संक्रमणमुक्त

रूपन्देही । रुपन्देहीमा पछिल्लो २४ घण्टामा ७७८ जना कोरोना संक्रमणमुक्त भएका छन् भने ३६१ जना नयाँ संक्रमित थपिएका छन् ।

रुपन्देहीका बिभिन्न पीसीआर प्रयोगशालाहरुमा ८८८ नमुना परीक्षण गर्दा ३६१ जनामा कोरोना संक्रमण पुष्टि भएको हो । जिल्लामा यो अवधिमा ५ जनाको मृत्यु भएको छ ।

जिल्लामा आज पनि बुटवल उपमहानगरमा सबैभन्दा बढी संक्रमित थपिएका छन् । बुटवलमा पछिल्लो २४ घण्टामा १४१ जनामा संक्रमण पुष्टि भएको छ ।

त्यसैगरि तिलोत्तमामा १०३ जना, सिद्धार्थनगरमा ३६ जना, देवदहमा ३३ जना र सैनामैनामा २२ जनामा कोरोना संक्रमण पुष्टि भएको छ । अन्य पालिकाहरुमा १० जना भन्दा कमको संख्यामा संक्रमित थपिएका छन् । मंगलबार जिल्लामा मृत्युदर पनि घटेको छ ।

सोमबार झण्डै २८ प्रतिशतका दरले संक्रमण पुष्टि भएकोमा आज सो अनुपात बढेको छ । आज करिव ४० प्रतिशतका दरले संक्रमित थपिएका छन् ।