ललितपुरमा पाँचजना भन्दा बढी भेला हुन नपाइने, निषेधित क्षेत्र तोकियो

ललितपुर । ललितपुर प्रशासनले निषेधाज्ञालाई थप कडाइ गरेको छ । ललितपुर प्रशासनले एक सूचना जारी गरी ललितपुर महानगरपालिका क्षेत्रमा ५ जना भन्दा बढी मानिस जम्मा हुन नपाउने गरी निषेधित क्षेत्र तोकिएको हो ।

ललितपुर जिल्लाका प्रमुख जिल्ला अधिकारीबाट शुक्रबार जारी भएको आदेशमा ललितपुर महानगरपालिका केही क्षेत्रमा जेठ १ गते बिहान ६ बजे देखि राति १० बजे सम्म ५ जना भन्दा बढी भेला हुन पाईने छैन ।

प्रशासनको आदेशमा ‘हुलदंगा वा अशान्ति गर्ने उद्धेश्यले एकै ठाउँमा भेला भए कानून बमोजिम कारवाही हुने भनिएको छ ।

निमित्त प्रमुख जिल्ला अधिकारी ललित कुमार बस्नेतद्वारा जारी आदेशमा रातो मच्छिन्द्र नाथको रथ रहेको आसपास क्षेत्र पूर्व- मदन स्मारक स्कुल अगाडीको चोक, पश्चिम- श्री रातो मच्छिन्द्रनाथको रथ रहेको पश्चिम तर्फको बारुण यन्त्र रहेको स्थान, दक्षिण-सेन्ट जेभियर्स स्कुल अगाडीको चोक (अल्का मोड), उत्तर-लविम मल पश्चिमपट्टीको सडकमा भेला नहुन भनेको छ ।

त्यसैगरी मिन नाथको रथ रहेको आसपास क्षेत्रपूर्व- गणेशस्थान मन्दिर, पश्चिम-टवहाल चोक, दक्षिण-ईति चोक र उत्तर-टंगल र चक्रवहिली गल्ली रहेको क्षेत्रमा समेत निषेधाज्ञा थप गरिएको प्रशासनले जनाएको छ ।्

प्रतिक्रिया

Leave a Reply

Your email address will not be published. Required fields are marked *