रुपन्देहीका थप २ निजी अस्पतालद्वारा कोरोना संक्रमणको उपचार – Nepal Press

रुपन्देहीका थप २ निजी अस्पतालद्वारा कोरोना संक्रमणको उपचार

रूपन्देही । रुपन्देहीमा थप २ निजी अस्पतालहरुले कोरोना संक्रमणको उपचार गर्ने भएका छन् । उपचार भइरहेको ३ वटा अस्पतालमा अत्यधिक चाप भएपछि २ वटा थप अस्पतालहरुले कोरोनाको उपचार सुरु गरेका हुन् ।

रुपन्देहीको देवदहस्थित देवदह मेडिकल कलेज र बुटवलस्थित आम्दा अस्पतालले पनि आजैबाट कोरोना संक्रमितको उपचार सुरु भएको जनाएको छ ।

लुम्बिनी प्रदेश स्वास्थ्य तथा जनसंख्या मन्त्री भोजप्रसाद श्रेष्ठको पहलमा रूपन्देहीका थप २ वटा अस्पतालले कोभिड १९ उपचार सुरु गरेका हुन् ।देवदह नगरपालिका रूपन्देहीमा अवस्थित देवदह मेडिकल कलेजले एचडीयू स्तरको ५ बेड र जनरल १० बेड गरी १५ बेडको कोरोनाको उपचार आजैबाट सुरु गरेको जनाएको छ भने छिट्टै ५० बेड पुर्याइने कलेजका निर्देशक डा। बिक्रम ज्ञवालीले बताए।

त्यस्तै महिला तथा बालबालिकालाई केन्द्रमा राखेर स्वास्थ्य उपचार सेवा दिँदै आएको ९सिद्धार्थ बाल तथा महिला अस्पताल ० आम्दा अस्पतालले पनि कोभिड अस्पताल सुरू गरेको छ । बालबालिका तथा महिलालाई लक्षित गरि एचडीयूस्तरको १० बेड सञ्चालन गरेको अस्पतालका मेडिकल सुपरिटेन्डेन्ट डा.राजेन्द्र प्रसाद बस्यालले बताए ।

रुपन्देहीमा लुम्बिनी प्रादेशिक अस्पताल, युनिभर्शल मेडिकल कलेज र भिम अस्पताल भैरहवामा कोरोना संक्रमितको उपचार हुँदै आएको छ। सरकारले सबै निजी अस्पतालमा कोरोना संक्रमितको उपचारका लागि बेड छुट्टाउन आग्रह गरेपनि क्मिसन अस्पताल बाहेक अरूले सेवा शुरू गरेका छैनन् । रूपन्देहीमा सकृय संक्रमित ७ हजार ५ सय पुगेका छन् ।

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर