माधव नेपाल भन्छन्- ७५ जेठ २ अघिकै एमालेमा फर्कने सहमति भएको हो (भिडियो)

काठमाडौं । नेकपा एमालेका माधवकुमार नेपालले ओलीसँगको वार्तामा फागुन २८ गतेको निर्णय फिर्ता लिएर पार्टीलाई २०७५ जेठ २ मा फर्काउने विषयमा सहमति भएको बताएका छन् ।

नयाँ बानेश्वरस्थित संसद भवनमा पत्रकारहरूसँग कुराकानी गर्दै नेता नेपालले आफूहरुले राखेको बटमलाइन प्रधानमन्त्री एवं पार्टी अध्यक्ष केपी शर्मा ओलीले स्वीकार गरेको बताए ।

‘फागुन २८ गतेको निर्णय फिर्ता लिने र २०७५ जेठ २ अगाडिको एमाले बनाउने भन्नेमा उहाँ सहमत हुनुभएको हो । बाँकी मोडालिटीको बारेमा एउटा कार्यदल बनाउने कुरा भएको छ’, नेपालले भने ।

नेता नेपालले दुई पक्षबीच भएको सहमति र अन्य स्पष्टता आवश्यक पर्ने विषयमा थप छलफल गरेर अगाडि बढ्ने सहमति भएको समेत उल्लेख गरे ।