नेपाललाई सहयोग गर्न बेलायतलाई लन्डन डायस्पोराको आग्रह – Nepal Press

नेपाललाई सहयोग गर्न बेलायतलाई लन्डन डायस्पोराको आग्रह

लन्डन । नेपालमा कोरोनाभाइरस संक्रमणको अवस्था भयावह बनेको भन्दै सहयोगका लागि बेलायतसँग आग्रह गरिएको छ ।

लन्डन बरो अफ बार्टेनका उपमेयर काउन्सिलर लक्ष्य गुरुङले डा. म्याथ्यू अफोर्डलाई एक पत्र लेख्दै ब्रिटिस सरकारसँग सहयोगका लागि आग्रह गरेका छन् ।

गुरुङले भारतमा बढिरहेको नयाँ भेरिएन्टले नेपाललाई पनि प्रभावित गर्ने र नेपालमा बिरामीले भरिएका अस्पताल र अक्सिजन अभावले मृत्यु भएको परिस्थितीबारे ध्यानाकर्षण पनि गराएका छन् ।

बेलायती प्रधानमन्त्री बोरिस जोन्सनले संक्रमण बढेपछि भारतलाई सहयोग पठाएको र कठिन अवस्थामा निरन्तर सहयोग गर्ने प्रतिवद्धता व्यक्त गरेको गुरुङको पत्रमा उल्लेख गरिएको छ ।

कोभिड संक्रमण तीव्ररुपमा फैलिएसँगै बेलायत सरकारले नेपाल र भारतलाई रेड लिस्टमा राखेको स्मरण गराउँदै उनले नेपालले कोरोना महामारी नियन्त्रण गर्न अन्तर्राष्ट्रिय उडानमा प्रतिबन्ध र निषेधाज्ञा लगाएको पनि अवगत गराएका छन् ।

 

 


प्रतिक्रिया

Leave a Reply

Your email address will not be published. Required fields are marked *

सम्बन्धित खवर