युरोपेली युनियनले नेपाललाई २८ करोडको स्वास्थ्य सहायता उपलब्ध गराउने

युरोपेली चिकित्सकको टीमले पनि सघाउने

काठमाडौं । कोभिड-१९ महामारीविरुद्ध युरोपेली आयोगले नेपाललाई २८ करोड (२ मिलियन युरो) बराबरको स्वास्थ्य सामाग्री तथा सहायता प्रदान गर्ने घोषणा गरेको छ ।

ईयूले विहिबार विज्ञप्ती जारी गर्दै भाइरसविरुद्ध लड्न नेपाललाई उक्त मूल्य बराबरको स्वास्थ्य सामाग्री प्रदान गर्ने जनाएको हो । साथै, विज्ञप्तीमा ईयूले नेपालमा मेडिकल टीम पनि पठाउने जनाएको छ ।

ईयूले टेलि मेडिसिन सेवाबाट आइसोलेसनमा बसेकाहरुको अनुगमन तथा उपचार, राष्ट्रिय आपतकालमा परिचालन हुने चिकित्सकहरुको टोली साथै अन्तर्राष्ट्रिय चिकित्सकको टोलीलाई पनि नेपालमा पठाउने जनाएको छ ।

अक्सिजन ग्याँस सिलिन्डर, अक्सिजन कन्सेनट्रेटर, होम केयर किट्स, एन्टीजेन परीक्षण किट्स, पीपीई पनि प्रदान गर्ने ईयूले जनाएको छ । ईयूका अनुसार फिनल्यान्डले २ लाख सर्जिकल मास्क, ३ लाख ५० हजार चिकित्सक मास्क, ५२ हजार ५०० पञ्जा र ३० हजार आइसोलेसन गाउन्स पनि प्रदान गर्ने भएको छ ।

ईयूका क्राइसिस म्यानेजमेन्ट संयोजक जेनेज लेनेर्कले महामारीको यो संकटमा युरोपेली युनियन नेपालसँगै उभिएको बताउँदै थप सहयोग गर्न तयार रहेको बताएका छन् ।

प्रतिक्रिया

Leave a Reply

Your email address will not be published. Required fields are marked *