शिल्पा अभिनित भोजपुरी फिल्म ‘प्रेमगीत २’ ट्रेलर रिलिज

काठमाडौं । पछिल्लो समय पूर्वपति छविराज ओझासँगको सम्बन्धलाई लिएर चर्चामा छिन् अभिनेत्री शिल्पा पोखरेल । उनको अर्को चर्चा भने उनी अभिनित भोजपुरी फिल्म ‘प्रेमगीत २’को ट्रेलरले भएको हो ।

उक्त फिल्मको ट्रेलर बुधबार इन्टरनेट रिलिज भएको छ । सार्वजनिक भएको ट्रेलरमा शिल्पालाई रोमान्टिक गर्लको रुपमा प्रस्तुत गरिएको छ । फिल्ममा उनको जोडी भोजपुरी स्टार प्रदीप पान्डेसँग बाँधिएको छ । फिल्ममा प्रदीप ‘प्रेम’ र शिल्पा ‘गीत’ को भूमिकामा छन् ।

पोखरा आसपास खिचिएको फिल्मलाई नेपाली मुलका भारतीय सोनु खत्रीले निर्देशन गरेका हुन् । फिल्ममा प्रदीप र शिल्पाबाहेक अमित शुक्ला, रम्भा सहानी, रोहित सिंह, सिपी भट्ट, रन्जित कुमार शर्मा, रोहित थापाको अभिनय छ ।

सोनु खत्री स्वयंले फिल्मको निर्माता हुन् ।

रत्नाकर कुमार प्रस्तुतकर्ता रहेको फिल्ममा छायाँकारदेखि कोरियोग्राफरसम्म नेपालकै छन् । हरी घले लामाको छायांकन, बन्दे प्रसादको सम्पादन, श्री श्रेष्ठको द्वन्द्व, ओम झाको संगीत, कविराज गहतराज, शिव विक, रिकी गुप्ता, विवेक थापाको कोरियोग्राफी छ ।

अभिनेत्री शिल्पाले यसअघि भोजपुरी उद्योगकै ‘जय शम्भु’ नामक फिल्म खेलेकी छिन् । यो फिल्ममा पनि उनको जोडी भोजपुरी अभिनेत्री प्रदीप पान्डेसँग बाँधिएको थियो । ट्रेलर सार्वजनिक भए पनि रिलिज मिति घोषणा भएको छैन ।

हेर्नूस ट्रेलर :