३२ बालबालिकाका अभिभावक बने अनुप, लकडाउनमा पनि समाजसेवा

काठमाडौं । रिल लाइफमा खलनायकको रुपमा चर्चा बटुलेका अभिनेता अनुपविक्रम शाही वास्तविक जीवनमा चाहिँ हिरोजस्तै छन् । मनकारी स्वभावका उनी सामाजिक सहयोगका लागि अघि बढ्छन् ।

दोस्रो लकडाउनकै बीच उनी समाजसेवामा खटिएका छन् । पहिलो लकडाउनमा पनि उनले खाद्यान्नदेखि अत्यावश्यक राहत सामाग्री वितरण गरेका थिए ।

टोखाको ग्रीनल्यान्डस्थित हाम्रो बाल संरक्षण धरोहर नेपाल नामक बाल आश्रम पुगेर मंगलबार अनुपले डेढ महीनासम्म खाद्यान्न वितरण गरे । उक्त आश्रममा रहेका ३२ बालबालिकालाई उनले १ लाख बराबरको राहत सामाग्री प्रदान गरे ।

‘अघिल्लो वर्ष यी बालबालिकाको अभिभावक बन्ने प्रण गरेको थिएँ’ उनी भन्छन्, ‘पछिल्लो वर्ष बालबालिकाको नियमित निगरानी मेरो कर्तव्य थियो । त्यसैलाई निरन्तरता दिएको हुँ ।’ गतवर्ष आफ्नो जन्मदिन पनि सोही आश्रममा पुगेर अनुपले मनाएका थिए ।

 

प्रतिक्रिया

Leave a Reply

Your email address will not be published. Required fields are marked *