तेस्रो क्वाटरसम्म शिवम्‌ले कमायो १ अर्ब ९ करोड रुपैयाँ नाफा

काठमाडौं । शिवम् सिमेन्टले प्रकाशित गरेको तेस्रो त्रैमासिक प्रतिवेदन अनुसार चालू आर्थिक वर्षको ९ महिनामा १ अर्ब ९ करोड रुपैयाँ नाफा कमाएको छ ।

दोस्रो क्वाटरसम्ममा ५८ करोड ९६ लाख रुपैयाँ नाफा गरेको कम्पनीले पछिल्लो तीन महिनामा ५० करोड रुपैयाँ थप अतिरिक्त नाफा कमाएको छ ।

गत वर्षको तेस्रो क्वाटरसम्म ८६ करोड १५ लाख रुपैयाँ नाफा आर्जन गरेको कम्पनीले चालू आर्थिक बर्षको सोही अवधिमा २६.५२ प्रतिशतले बढी मुनाफा आर्जन गरेको हो ।

कम्पनीको वार्षिक प्रति सेयर आम्दानी ३३.०३ रुपैयाँ र प्रति सेयर कुल सम्पत्ति २९३.४६ रुपैयाँ रहेको छ । त्यस्तै कम्पनीको ‘इक्यूटी सेयर क्यापिटल’ ४ अर्ब ४० करोड रुपैयाँ, सेयर प्रिमियम ९५ करोड ६२ लाख र अन्य इक्यूटी ४ अर्ब १२ करोड रुपैयाँ गरी कुल पूँजी ९ अर्ब ४७ करोड रुपैयाँ रहेको छ ।

प्रतिक्रिया

Leave a Reply

Your email address will not be published. Required fields are marked *