मातातीर्थ औंसीमा २१ जना असहाय महिलालाई मिठाई र सारी वितरण
नेपाल प्रेस
२०७८ वैशाख २८ गते २१:४०
सिरहा । सिरहामा २ जना समाजसेवीले २१ जना असहाय महिलालाई सारी र मिठाइ वितरण गरेका छन् । समाजसेवी महेश चौधरी र संगीता कर्माचार्यले मातातीर्थ औंसी अर्थात आमाको मुख हेर्ने दिनको अवसरमा उनीहरुलाई सारी र मिठाई वितरण गरेका छन् ।
लहान नगरपालिका भित्र रहेका असहाय, एकल महिला तथा सानो चिया पसल गरी जीविकोपार्जन गर्दै आएका महिलालाई आमाको सम्मानस्वरुप प्रतिब्यक्ति १ थान सारी र मिठाई वितरण गरेका हुन् ।
चौधरी र कर्माचार्यले पछिल्लो समय समाजसेवाको काम गर्दै आएका छन् । श्रीमान र श्रीमतीले सहाराविहीनका सहारा बन्दै आएका हुन् । गत वर्षको लकडाउनमा समेत उनीहरुले असहायलाई सहयोग गरेका थिए ।
नेपाल प्रेस
प्रकाशित: २०७८ वैशाख २८ गते २१:४०
प्रतिक्रिया
सम्बन्धित खवर
