भाइरस नियन्त्रणमा तत्काल कदम चाल्न नेपाललाई हुमन राइट्स वाचको आग्रह

न्यूयोर्क । नेपालमा भयावहरुपमा फैलिइरहेको कोरोनाभाइरस संक्रमण नियन्त्रणका लागि तत्काल कदम चाल्न अधिकारवादी अमेरिकास्थित अधिकारवादी संगठन हुमन राइट्स वाचले सरकारलाई आग्रह गरेको छ ।

विज्ञप्ती जारी गर्दै संगठनले वैदेशिक सहायता लिएर भएपनि सरकारले अक्सिजन, भेन्टिलेटर र थेरापिक ड्रग्सजस्ता अत्यावश्यक स्वास्थ्य सामाग्रीको उपलब्धतामा जोड दिनुपर्ने आग्रह गरेको छ ।

‘नेपालको स्वास्थ्य संरचनाले थेग्नै नसक्ने गरी महामारी फैलिएको छ’ वाचकी दक्षिण एसिया निर्देशक मीनाक्षी गांगुलीले भनेकी छिन्, ‘ठूलो परिमाणमा अक्सिजन उपकरण र स्वास्थ्य सामाग्री महामारीलाई रोक्नको लागि उपलब्ध हुनु जरुरी छ ।’

सरकारले महामारी व्यवस्थानमा ढिलासुस्ती गरिरहेको बताउँदै वाचले सरकारले तत्काल कदम चालिहाल्नुपर्ने परिस्थिती रहेको जनाएको छ ।