गंगा नदीमा कोभिड बिरामीका दर्जनौं शव फेला, खर्च अभावमा शवलाई सोझै नदीमा – Nepal Press

गंगा नदीमा कोभिड बिरामीका दर्जनौं शव फेला, खर्च अभावमा शवलाई सोझै नदीमा

भारतको उत्तर प्रदेशस्थित गंगा नदीको किनारमा ४० भन्दा बढी शवहरु तैरिएको अवस्थामा भेटिएका छन् । स्थानीय अधिकारीहरुले ती शवहरु कोभिड-१९ का बिरामीको हुनसक्ने अनुमान गरेका छन् ।

अधिकारीहरुले कसरी ती शव नदीमा पुगे भन्ने घटनाको छानविन गरिरहेका छन् । केही भारतीय संचारमाध्यमले एकसयभन्दा बढी शवहरु नदीमा फेला परेको रिपोर्टिङ गरेका छन् ।

उत्तर प्रदेश र बिहार राज्यको सीमास्थित नदी किनारमा ती शव फेला परेको जनाइएको छ । बिहारका स्थानीय अधिकारी अशोक कुमारले स्थानीय बासिन्दा सोधपुछ गरेपछि ती शव उत्तर प्रदेशबाट आएको हुनसक्ने बताए ।

भेटिएका शव फुलेका र केही जलेका पनि छन् । ती शवलाई गाड्ने वा जलाउने तयारी भैरहेको समेत जनाइएको छ । एनडीटीभीले गंगा नदीको किनारमा शव जलाउने परम्परा अन्तर्गत ती शवलाई त्यहाँ पुगेको हुनसक्ने जनाएको छ ।

दाउराको अभाव तथा अन्तिम संस्कारको बढ्दो खर्चले कतिपय परिवारले शवलाई सोझै नदीमा हालिदिन बाध्य भएको हुनसक्ने बताइएको छ । स्थानीय बासिन्दा चन्द्रमोहनले निजी अस्पताले लुट मच्चाएको र अन्तिम संस्कारमा खर्च बढेकाले शवलाई नदीमा हालेको हुनसक्ने बताए ।

भारतमा कोभिडको कारण २ लाख ४२ हजारभन्दा बढीले ज्यान गुमाइसकेका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर