महंगोमा अक्सिमिटर विक्री गर्ने व्यवसायी पक्राउ
नेपाल प्रेस
२०७८ वैशाख २७ गते १६:१८
जनकपुरधाम । शरीरको अक्सिजन मात्रा नाप्ने अक्सिमिटर कालोबजारी गर्ने जनकपुरका एक औषधी व्यवसायी पक्राउ परेका छन् ।
पक्राउ पर्नेमा जनकपुरस्थित बिनिता सर्जिकल स्टोरका संचालक भुपनारायण साह रहेका छन् । १२ सय पर्ने अक्सिमिटर ३ हजार भन्दा बढी मूल्यमा बिक्री गरेकाले साहलाई पक्राउ गरिएको जिल्ला प्रहरी कार्यालय धनुषाले जनाएको छ ।
साहको पसलबाट २८ थान अक्सिमिटर समेत प्रहरीले बरामद गरेको छ । हिरासतमा राखेर उनीमाथि प्रहरीले आवश्यक अनुसन्धान सुर गरेको छ ।
यसअघि जनकपुरकै सरोज सर्जिकल सप्लायर्सले ३२ सयमा अक्सिमिटर विक्री गरेको पाइएको थियो । तर उक्त सप्लायर्सलाई प्रशासनले कारबाही गरेका छैन ।
नेपाल प्रेस
प्रकाशित: २०७८ वैशाख २७ गते १६:१८
प्रतिक्रिया
सम्बन्धित खवर
