उपेन्द्र यादवको प्रश्न- संसदलाई विश्वास नगर्ने प्रधानमन्त्रीलाई संसदले किन विश्वास गर्ने ?(भिडियाे)

ध्यान दिनुपर्थ्यो कोरोनातिर, ध्यान गयो अयोध्यातिर

काठमाडौं । जनता समाजवादी पार्टीका अध्यक्ष उपेन्द्र यादवले प्रधानमन्त्री केपी शर्मा ओलीले संसदमा विश्वासको मत माग्नु नै गलत भएको बताएका छन् ।

प्रतिनिधिसभाको आजको बैठकमा बोल्दै यादवले विगतमा आफैंले विघटन गरेको संसदमा विश्वासको मत माग्नु प्रधानमन्त्रीको कमजोरी भएको बताए ।

‘प्रधानमन्त्रीले सहमति गर्नुहुन्छ तर कार्यान्वयन नगरी विश्वासघात गर्नुहुन्छ । जुन संसदलाई असंवैधानिक ढंगले विघटन गर्नुभयो त्यही संसदमा विश्वासको मत माग्दै हुनुहुन्छ । जुन संसदमा तपाईको आफ्नै विश्वास छैन त्यो संसदले तपाईलाई किन विश्वासको मत दिने ?’, यादवले प्रश्न गरे ।

प्रधानमन्त्री ओलीले मधेसका जनताप्रति अपमान गरेको र विगतमा गरेका सहमति कार्यान्वयन नगरेको यादवले आरोप लगाए ।

‘हिजो मधेस आन्दोलनमा मधेसी जनता मारिँदा २-४ आँप झरेर केही हुँदैन भन्ने प्रधानमन्त्रीले अहिले त्यही आँप खुवाएर मधेसीलाई फकाउन खोज्नुभएको छ’, यादवले भने । संसदीय मूल्य मान्यताविपरीत अध्यादेशका भरमा शासन गर्न खोजेकोले प्रधानमन्त्रीलाई विश्वासको मत दिन नसकिने बताए ।

ध्यान दिनुपर्थ्यो कोरोनातिर, ध्यान गयो अयोध्यातिर

यादवले सरकारको ध्यान कोरोनातिर नगएको अरोप लगाएका छन् । सम्बोधनको क्रममा उनले भने ‘सरकारले ध्यान दिनुपर्थ्यो कोरोनातिर, तर, ध्यान गयो अयोध्यातिर । के अध्योध्याले कोरोना ठिक हुन्छ ?’

व्यंग्य गर्दै यसबारे उनले थप भनाइ राखे, ‘म त आफ्नो क्षेत्रमा बन्न लागेकाले प्रचण्ड खुसी हुनुहुन्छ भन्ने सोचेको उहाँ पनि खुसी पाइनँ ।’

यादवले संघीयाता मास्न खोजेको आरोप प्रधानमन्त्रीलाई लगाए। ‘संघीयतालाई समाप्त पार्ने,’ यादवले भने, ‘सबैभन्दा न्यून समावेशिता यही तीन वर्षमा भएको छ। नभए अहिलेसम्म भएका नियुक्ति हेर्दा हुन्छ ।’

प्रतिक्रिया

Leave a Reply

Your email address will not be published. Required fields are marked *