नेपाल प्रहरी अस्पतालमा २ सय २४ जना कोरोना संक्रमितको उपचार हुँदै – Nepal Press

नेपाल प्रहरी अस्पतालमा २ सय २४ जना कोरोना संक्रमितको उपचार हुँदै

काठमाडौं । नेपाल प्रहरी अस्पताल महाराजगंजमा अहिले २ सय २४ जना कोरोना सङ्क्रमितको निःशुल्क उपचार भईरहेको छ । ती मध्ये २० जना भेन्टिलेटरमा, १९ जना आईसियुमा, मध्यम अवस्थाका १ सय ५ जना र सामान्य अवस्थाका ८० जना उपचाररत रहेका प्रहरी प्रधान कार्यालय नक्सालले जनाएको हो ।

बिरामीमध्ये प्रहरी कर्मचारी, पूर्व प्रहरी कर्मचारी र प्रहरी कर्मचारीका परिवार गरी १ सय ४३ जना तथा ८१ जना सर्वसाधारण नागरिक रहेका प्रहरी प्रवक्ता समेत रहेका प्रहरी बरिष्ठ उपरीक्षक (एसएसपी) बसन्त बहादुर कुवरले नेपाल प्रेसलाई जानकारी दिए । उनका अनुसार विरामीमध्ये उपचारका लागि अस्पतालमा १५ जना र २ नम्बर गणमा छुट्टै बेडको व्यवस्था गरी ६ जनालाई भर्ना गरिएको छ । उपचाररत मध्ये १४ जना डिस्चार्ज भएका छन् भने ८७ वर्षका र ६६ वर्षका गरी २ जनाको उपचारका क्रममा मृत्यु भएको छ ।

नेपाल प्रहरी अस्पतालमा जम्मा २ सय ६४ वेड उपलब्ध छन् । ती मध्ये १ सय ६१ साधारण, ७३ एचडियू अर्थात हाई डिपेन्डेन्सी यूनिट र भेन्टिलेटर सहितका २० तथा भेन्टिलेटर बाहेकका १० गरी ३० आईसियु वेड रहेका छन् । कारेरोना संक्रमितको उपचार र सेवामा नेपाल प्रहरी अस्पतालले उपलब्ध साधन स्रोतको उच्चतम प्रयोग तथा थप साधन स्रोतको व्यवस्था समेत गरी अनवरत सेवा प्रदान गर्दै आइरहेको प्रहरी प्रधान कार्यालयले जनाएको छ ।

अहिले कोभिड–१९ को महामारीबाट संक्रमित बिरामीको चाप बढ्दै गइरहेको अवस्थालाई मध्येनजर गर्दै ईमर्जेन्सीमा अस्थाई रुपमा २६ बेड थप गरी अक्सिजन सहित उपचार प्रदान गरिएको जनाइएको छ । बेड खाली हुनासाथ उनीहरूलाई स्थान्तरण गरी उपचार गरिने व्यवस्था पनि मिलाइएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर