समाचार प्रभाव

महामारीमा असुलेकाे चर्को भाडा माया नर्सिङले पीडितको घरमै पुगेर फिर्ता गर्‍यो

सुर्खेत । प्रदेश अस्पताल कालागाउँबाट कोभिड विरामी एक महिलालाई वीरेन्द्रनगर नगरपालिका–१२ को खोरिया जाँदा लिएको तोकिएभन्दा दोब्बर भाडा माया नर्सिङ होम प्रालिले पीडित परिवारलाई आज विहान घरमै पुगेर फिर्ता दिएको छ ।

‘हामीले हिजै चाहिने भाडामात्र लिनुहोस भनेर भनेका थियौं, चालकले हामीलाई विचल्लीमा पार्न खोजेका कारण बाध्य भएर भनेको जति तिरेका हौं,’ मुस्किलले १० किलोमिटरको दूरीमा घर रहेको पीडित लता मन्जरीले नेपालप्रेससँग भनिन्, ‘आज विहानै घरमा आएर हामीलाई दुई हजार ४ सय रुपैयाँ फिर्ता दिएर गए ।’

दाेब्बर भाडा असुलेकाे समाचार सार्वजनिक भएपछि नर्सिङ हाेम चरम दवावमा थियाे भने सुर्खेतका स्थानीयले बहिस्कार अभियान चलाउनुपर्ने आवाजसमेत उठाउन थालेका थिए ।

उनले सञ्चारमाध्यम सार्वजनिक भएपछि मात्रै भाडा फिर्ता गर्ने चलन ठीक नभएको बताउँदै सरोकारवाला निकायले नियमन गर्न आवश्यक रहेकोसमेत बताइन ।

प्रतिक्रिया

Leave a Reply

Your email address will not be published. Required fields are marked *