बेलायतले राख्यो नेपाललाई ‘रेड जोन’मा, बुधबारदेखि यात्रा प्रतिबन्ध लागु हुने

काठमाडौं । संयुक्त अधिराज्य बेलायतले कोभिड-१९ को नयाँ भेरिएन्ट फैलिएको बताउँदै नेपालबाट हुने यात्रालाई प्रतिबन्ध लगाउने तयारी गरेको छ ।

बेलायतका यातायात तथा पारवहन मन्त्रालयका सचिव ग्रान्ट सेपले शुक्रबार लन्डनमा आयोजित पत्रकार सम्मेलनमा नेपालसहित, टर्की र माल्दिभ्सलाई ‘रेड जोन’मा राखिएको घोषणा गरे ।

विदेशी यात्राका लागि बेलायतले ल्याएको यो नयाँ नियम आगामी मे १७ तारिखदेखि सुरु हुने बीबीसीले जनाएको छ ।

Turkey, the Maldives and Nepal have been added to the UK’s travel “red list”, Transport Secretary Grant Shapps announces

“Nobody wants to go back into lockdown,” he says
https://t.co/7EA6wIa3ES pic.twitter.com/XA5IGOP1cn

— BBC News (UK) (@BBCNews) May 7, 2021

उक्त यात्रा प्रतिबन्ध बेलायती नागरिकबाहेक अन्य मुलुकका नागरिकमा लागु हुने जनाइएको छ । रेड जोनमा राखिएका मुलुकबाट आउने आइरिस र बेलायती नागरिकले चाहिँ सरकारले तोकेका क्वारेन्टिनमा १० दिन अनिवार्य बस्नुपर्ने भएको छ ।

यातायात मन्त्रालयले जारी गरेको ट्राभल नियममा हरियो सूचीमा परेका देशका नागरिकले चाहिँ आफ्नो देशमा फर्कँदा क्वारेन्टिनमा बस्नु नपर्ने प्रावधान राखिएको छ ।

‘कोही पनि पुनः लकडाउनमा फर्कन चाहँदैन’ सेक्रेटरी सेपले पत्रकार सम्मेलनमा भने ।