सीमामा भारतीयको ज्यादती, नेपाली महिलामाथि कुटपिट

कैलाली । कञ्चनपुरको बेलौरी नगरपालिका-१ बैसाखीमा एक महिला माथि भारतीय नागरिकले कुटपिट गरेका छन् ।

दशगजा नजिकै घाँस काटिरहेको बेला शनिवार बेलौरी नगरपालिका-१ बैसाखीकी ३८ बर्षीया पुनम शाहीमाथि भारतीय नागरिकले कुटपिट गरेका हुन् । ‘बाख्राको लागि घाँस काटिरहेको बेला अन्टीलाई लट्ठीले हिर्काएको थियो हामी पुग्दा सम्म त्यो भागिहाल्यो’ परिवारका सदस्य रतन शाहीले बताए ।

नेपाली महिलामाथि कुटपिट भएको थाहा पाएपछि स्थानीयले त्यसको विरोध गरेका थिए । कुटपिटमा संलग्नलाई कारबाही गर्न समेत स्थानीयले माग गरे । स्थानीयको विरोध पछि नेपाल प्रहरी, सशस्त्र प्रहरी र भारतीय सीमा सुरक्षा बल एसएसबीले समेत घटना बारे चासो दिएका थिए ।

उनीहरूले नेपाली महिलामाथि कुटपिट गर्ने व्यक्तिलाई कारबाही गर्ने प्रतिबद्धता जनाएको वडा नम्बर-१ का वडाध्यक्ष रतन शाहीले बताए ।
‘दुवै देशमा सुरक्षा निकायले यस घटनालाई गम्भीर रूपमा लिएका छन् । 

उनले भने ‘महिलामाथि कुटपिट गर्नेलाई कारबाही गर्ने जनाइएको छ ।’ कुटपिट गर्ने व्यक्ति अहिले सम्पर्कमा नरहेको र उनको खोजी भइरहेको भारतीय सीमा सुरक्षा बलले जानकारी दिएको उनले बताए ।

कञ्चनपुरको दक्षिणी क्षेत्रमा यस अघि पनि पटक-पटक भारतीयबाट ज्याजति हुँदै आइरहेको छ । २०७३ फागुन २६ गते सीमा सुरक्षा गर्ने क्रममा कञ्चनपुर पुनर्वास नगरपालिका ८, आनन्दनगरका ३६ वर्षीय गोविन्द गौतमको हत्या भएको थियो।

प्रतिक्रिया

Leave a Reply

Your email address will not be published. Required fields are marked *