चट्याङ लागेर एकको मृत्यु, आठ घाइते
नेपाल प्रेस
२०७८ वैशाख २४ गते १७:०४
गुल्मी । गुल्मीमा चट्याङ लागेर एक जनाको मृत्युभएको छ भने आठ घाइते भएका छन् ।
मृत्यु हुनेमा मुसिकोट –४ दजाकोटका १८ वर्षीया करिश्मा गाहा रहेको जिल्ला प्रहरी कार्यालयले जनाएको छ । जिल्ला प्रहरी कार्यालय गुल्मीका प्रहरी उपरीक्षक गोपालचन्द्र भट्टराईका अनुसार चट्याङले घाइते उनीलाई अस्पताल ल्याउने क्रममा बाटोमा नै मृत्युभएको हो ।
घरमा बसिरहेका जुनी गाहा, मेलिना गाहा, जेनित गाहा, तुलबहादुर गाहा, उजुरसिंह गाहा, फटिकला गाहा, चित्रबहादुर गाहा र ज्योती गाहा घाइते भएका छन । घाइतेहरु मध्ये चार जनालाई थप उपचारको लागि पाल्पा पठाइएको छ भने अन्य चार जनाको गुल्मी अस्पतालमा उपचार भइरहेको छ ।
उजिरबहादुर गाहा र भीम श्री गाहाको घरमा चट्याङ पर्दा उक्त घटना भएको प्रहरीले जनाएको छ ।
रासस
नेपाल प्रेस
प्रकाशित: २०७८ वैशाख २४ गते १७:०४
प्रतिक्रिया
सम्बन्धित खवर
