कोरोना संक्रमित पूर्वमन्त्री मोतीप्रसाद पहाडीको निधन

काठमाडौं । कोरोना संक्रमणबाट बिरामी भएका पूर्वमन्त्री मोतीप्रसाद पहाडीको बुधवार राति नेपालगञ्जस्थित भेरी अञ्चल अस्पतालमा निधन भएको छ । उनी संक्रमण भएपछि घरमै आइसोलेसनमा बसेका थिए ।

७८ वर्षीय पहाडीलाई स्वास्थ्यमा समस्या भएपछि बुधवारै अस्पताल लगिएको थियो । अस्पतालका कोरोना फोकल पर्सन तेज वलीले पूर्वमन्त्री पहाडीको कोरोनाका कारण निधन भएको पुष्टि गरेका छन् ।

डोल्पाबाट पहाडी २०५१ सालमा स्वतन्त्र उम्मेदवार बनेर डोल्पाबाट सांसद भएका थिए । उनी केही समय एमाले प्रवेश गरे पनि पछि स्वतन्त्र थिए । त्यसयता उनी सक्रिय राजनीतिमा थिएनन् ।

पञ्चायतकालमा २०३८ सालमै सहायकमन्त्री बनेका पहाडी पछिल्लो समय नेपालञ्जमा बस्दै आएका थिए ।

प्रतिक्रिया

Leave a Reply

Your email address will not be published. Required fields are marked *