भीम रावलको टिप्पणी- ओलीको घृणित राजनीतिले देश संकटग्रस्त बन्दैछ

काठमाडौं । नेकपा एमालेका नेता तथा पूर्वमन्त्री भीम रावलले आफ्नै सांसदलाई कारवाही गरेर विपक्षी दलसँग सत्ता सहकार्यको परामर्श गरेर प्रधानमन्त्री केपी शर्मा ओलीले घृणित राजनीति गरेको आरोप लगाएका छन् ।

बुधवार कांग्रेससँग एमाले शीर्ष नेतृत्वको छलफलबारे टिप्पणी गर्दै रावलले यस्तै घृणित राजनीतिले देश संकटग्रस्त भएको बताएका छन् ।

रावलले भनेका छन्, ‘प्रधानमन्त्री केपी ओलीले दलमा विधान मिच्दै निरंकुश रुपमा नेता र सांसदहरुलाई स्पष्टीकरण सोध्नु,कारवाही गर्नु र कुनै छलफल परामर्श नगर्नु तर विपक्षी दलसँग समर्थन गरिदिन र मिलेर सरकार चलाउन अनुनयविनय गर्नु अनैतिक र गैरजिम्मेवार चरित्रको पराकाष्ठा हो ।’

रावल सहित एमालेका चार नेतालाई पार्टीले ६ महिनाका लागि निलम्बन गरेको छ भने अन्य सांसदलाई स्पष्टीकरण सोधिएको छ ।

प्रतिक्रिया

2 thoughts on “भीम रावलको टिप्पणी- ओलीको घृणित राजनीतिले देश संकटग्रस्त बन्दैछ

  1. तिमीजस्ता नेता भनाउँदा बेवकुफहरूका कारण हो अहिलेको अवस्था आएको । अरु केही कारण होइन । केपी ओली भिजन, मिशन र हिम्मत भएका नेता हुन् । उनको कुनै विकल्प छैन ।

Leave a Reply

Your email address will not be published. Required fields are marked *