विहे र व्रतबन्धजस्ता संस्कारमा अन्तर जिल्ला आवतजावत गर्न पाइने

काठमाडौं । उपत्यकामा लागु गरिएको निषेधाज्ञा अवधीमा विहे र ब्रतबन्धजस्ता संस्कारको हकमा बढीमा १५ जना सहभागि हुने पाउने भएका छन् ।

जिल्ला प्रशासन कार्यालय काठमाडौंले बुधबार सूचना जारी गर्दै विहे र व्रतबन्धजस्ता संस्कारको हकमा २ वटा सवारी साधन प्रयोग गर्न पाइने र जिल्लाभित्र वा अन्तर जिल्लामा आवतजावत गर्न पाइने निर्णय गरेको हो ।

मृत्यु संस्कारको लागि जानुपर्ने वा फर्कनुपर्ने अवस्थामा मृत्युदर्ता प्रमाणपत्र वा सम्बन्धित वडाको सिफारिस, परिचय खुल्ने कागजातको प्रतिलिपिसहित निवेदन पेश गर्नुपर्ने भएको छ ।

काठमाडौं जिल्लाभित्रका बिरामी वा कुरुवाहरुले अस्पतालको भर्ना कार्ड वा रिपोर्ट कार्डका आधारमा आवतजावत गर्न पाउने भएका छन् । परिवारका सदस्य वा आफन्त बिरामी भई काठमाडौं बाहिर जानुपर्ने अवस्थामा बिरामीको रिपोर्टकार्ड र परिचय खुल्ने कागजात पेश गर्नुपर्ने भएको छ ।

सुरक्षा गार्डको हकमा परिचय खुल्ने कागजपत्र र पोशाक लगाएर ड्युटीमा आवतजावत गर्न पाइने भएको छ । जिल्ला प्रशासन कार्यालयले बुधबारदेखि एकसाता थप गर्दै २९ गते मध्यरातसम्म निषेधाज्ञा लम्बाएको छ ।

प्रतिक्रिया

Leave a Reply

Your email address will not be published. Required fields are marked *