जोखिम स्थानमा घरमै पीसीआर परीक्षण गरिने, परीक्षण बढाउन स्थानीय तहलाई निर्देशन

काठमाडौं । सरकारले कोरोनाभाइरसको जोखिम भएका स्थानको घर-घरमै पुगेर अबदेखि पीसीआर परीक्षण गर्ने भएको छ । यसका लागि प्रतिव्यक्ति ५ सय रुपैयाँ पनि लिने भएको छ ।

बुधबार बसेको स्वास्थ्य मन्त्रालय अन्तर्गतको इन्सिडेन्ट कमान्ड सिस्टमको बैठकले जोखिम देखिएका स्थानमा घरमै पुगेर पीसीआर परीक्षण गर्ने निर्णय गरेको हो ।

बैठकको निर्णयबारे जानकारी दिँदै प्रवक्ता जागेश्वर गौतमले जोखिम स्थानमा सघनरुपमा कन्ट्याक्ट ट्रेसिङ गर्न स्थानीय तहलाई निर्देशन दिने निर्णय समेत भएको जनाए ।

उनका अनुसार बुधबारसम्म कोरोनाको उपचारमा प्रयोग हुने १ लाख २५ हजार भाइल रेमडेसिभिर औषधी प्राप्त भएको छ । बुधबार ३ हजार भाइल थप आएको र थप ४ हजार भोलीसम्म आइपुग्ने पनि उनले जानकारी दिए ।