नेपालमा भाइरस संक्रमण भारतकै जस्तो भयावह बाटोमा : अन्तर्राष्ट्रिय रेडक्रस – Nepal Press

नेपालमा भाइरस संक्रमण भारतकै जस्तो भयावह बाटोमा : अन्तर्राष्ट्रिय रेडक्रस

काठमाडौं । रेडक्रसको अन्तर्राष्ट्रिय समितिले नेपालमा कोभिड-१९ संक्रमणको परिस्थिती भयावह भएको उल्लेख गर्दै चाँडै भारतको जस्ता अवस्था आउन सक्ने चेतावनी दिएको छ ।

रोयटर्सलाई उध्दृत गर्दै जेनेभा मुख्यालय रहेको रेडक्रसका एसिया प्रशान्त निर्देशक अलेक्जेन्डर म्याथ्युले भने- ‘मानवीय क्षति हुने भयावह परिस्थिती आउनुपूर्व नै हामीले तत्काल र चाँडो भाइरसलाई रोक्न काम गर्नुपर्छ ।’

भारत हुँदै दक्षिण एसियाभर फैलिएको कोभिडको नयाँ भेरिएन्टले नेपाल सबैभन्दा बढी प्रभावित बनेको समेत रेडक्रसले जनाएको छ । रोयटर्सका अनुसार नेपालमा एकमहिना पहिलेभन्दा ५७ प्रतिशतले संक्रमण दर बढिरहेको छ ।

परीक्षणमध्ये ४४ प्रतिशत नमुना परीक्षण आएको समेत जनाइएको छ । भारतीय सीमा नजिकका नेपाली सहरमा सर्वसाधारणले आवश्यक उपचार पाउन नसकेको र नेपालको १ प्रतिशत जनसंख्याले मात्र खोप लगाएको समेत उल्लेख छ ।

‘यदि भाइरसलाई हामीले नियन्त्रण गर्न सकेनौं भने भारतमा अहिले देखिएको भयावह परिस्थिती भोलिको नेपालको भविष्य हुनसक्छ’ नेपाल रेडक्रसका अध्यक्ष नेत्रप्रसाद तिम्सिनाले भने ।

‘आफ्ना आफन्त र घरवरिवारलाई अन्तिम बिदाइ भन्नै नपाइकन कोभिडले मृत्यु भएका नागरिकको परिस्थिती दुःखद छ’ तिम्सिनाले भने । रेडक्रसको विज्ञप्तीमा नेपालसहित पाकिस्तान र बंगलादेशमा समेत भाइरस व्यापकरुपमा फैलिएको उल्लेख छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर