सरकारले अवकासप्राप्त चिकित्सकलाई करारमा खटाउने – Nepal Press

सरकारले अवकासप्राप्त चिकित्सकलाई करारमा खटाउने

काठमाडौं । नयाँ भेरियन्टसहितको कोरोना महामारीविरुद्ध जुध्न सरकारले अवकासप्राप्त स्वास्थ्यकर्मीलाई खटाउने भएको छ ।

सोमबार देशवासीका नाममा सम्बोधन गर्दै प्रधानमन्त्री केपी शर्मा ओलीले महामारी नियन्त्रण तथा उपचारका लागि सरकारले थप कदम चाल्ने आश्वस्त पारे ।

‘स्वास्थ्य जनशक्तिको अभाव हुन नदिन सङ्घ, प्रदेश र स्थानीय तहमा अवकाशप्राप्त चिकित्सक तथा अन्य स्वास्थ्यकर्मीलाई एक वर्षका लागि करारमा भर्ना गरिनेछ’, प्रधानमन्त्रीले भने, ‘कोभिड-१९ को पहिचान, निदान, उपचार, बिरामीको ओसारप्रसार र शव व्यवस्थापनमा प्रत्यक्ष रूपमा संलग्न चिकित्सक, स्वास्थ्यकर्मी, चालक तथा सहचालक र सफाइकर्मीका साथै कर्मचारीहरूलाई शुरु तलब स्केलको ५० प्रतिशत जोखिम भत्ता, परिवारको उपचार र बीमाको व्यवस्था गरिनेछ ।’

सङ्क्रमणको साङ्लो तोड्न लागू निषेधाज्ञा तथा बन्दाबन्दीका कारण कसैलाई पनि भोकै पर्न नदिनेमा सरकार सचेत रहेको प्रधानमन्त्रीले बताए ।


प्रतिक्रिया

Leave a Reply

Your email address will not be published. Required fields are marked *