क्रिकेट वरीयतामा नेपाल एक स्थान माथि उक्लियो

काठमाडौँ  । नेपाल ट्वान्टी-२० क्रिकेटको अन्तराष्ट्रिय वरीयतामा एक स्थान माथि उक्लिएको छ । अन्तराष्ट्रिय क्रिकेट काउन्सिल (आइसीसी)ले सार्वजनिक गरेको नयाँ वरियतामा नेपालले आफ्नो स्थानमा सुधार गर्दै १३ औं स्थान उक्लिएको हो ।

आइसिसीले सोमबार सार्वजनिक गरेको नयाँ वरियतामा नेपाल माथि उक्लिएको हो । यसअघि नेपाल १४औँ स्थानमा रहेको थियो। बैशाखमा नेपालले घरेलु मैदानमा त्रिकोणात्मक टी-ट्वान्टी सिरिजको उपाधिसमेत जितेको थियो।

टी-ट्वान्टीको नयाँ वरियताको पहिलो स्थानमा इङग्ल्यान्ड छ भने दोस्रोमा भारत तथा तेस्रो स्थानमा न्युजिल्यान्ड छ। त्यसैगरी चौथो स्थानमा पाकिस्तान छ भने पाँचौँ स्थानमा अष्ट्रेलिया छ।

नेपालले एक दिवसीय वरियतामा समेत सुधार गरेको छ। एकदिवसीय वरियतामा नेपाल १६औँ स्थानमा छ। एक दिवसीयको नयाँ वरियतामा न्युजिल्यान्ड शीर्ष स्थानमा छ भने अष्ट्रेलिया दोस्रो तथा भारत तेस्रो स्थानमा छ।