कोरोना अस्पतालमा अक्सिजन अभावले एकको मृत्यु
नेपाल प्रेस
२०७८ वैशाख १९ गते १५:४०
दाङ । अक्सिजनको अभावका कारण कोरोना अस्पताल बेलझुण्डिमा उपचाररत एकजनाको मृत्यु भएको छ ।
मृत्यु हुनेमा घोराही १५ का ७७ वर्षीय पुरूष रहेका छन् ।
आइसीयुमा उपचाररत उनको अक्सिजन अभावका कारण मृत्यु भएको अस्पतालका व्यवस्थापक द्रोण वलीले जानकारी दिएका छन् । उनका अनुसार बेलझुण्डि कोरोना अस्पतालमा अहिले अक्सिजन सकिएको छ ।
उक्त अस्पतालमा अहिले ५९ जनाको उपचार भइरहेको र त्यसमध्ये ४० जनाको अवस्था गम्भीर भएको अस्पतालले जनाएको छ ।
नेपाल प्रेस
प्रकाशित: २०७८ वैशाख १९ गते १५:४०
प्रतिक्रिया
सम्बन्धित खवर
