पश्चिम बंगालमा दिदीको मुख्यमन्त्री ‘ह्याट्रिक’ निश्चितजस्तै !

दिल्ली । भारतको पश्चिम बंगालको विधान सभा चुनावमा वर्तमान मुख्यमन्त्री ममता बेनर्जी स्पष्ट जिततर्फ अघि बढेकी छिन् । जारी मतगणनामा उनले २०६ सिटसहित अग्रता हासिल गरिरहेकी छिन् ।

पश्चिम बंगालको २९२ सिटमा टीएमसीले २०६, बीजेपीसहितको गठबन्धनले ८३ र कांग्रेसले अहिलेसम्म १ सिट प्राप्त गरेका छन् ।

अहिलेसम्मको मतगणनाको रुझान हेर्दा बेनर्जी तेस्रोपटक मुख्यमन्त्री हुने करिब निश्चितजस्तै भएको छ । नन्दीग्राम चुनावको नतिजा गणनामा उनका निकटतम प्रतिस्पर्धी भारतीय जनता पार्टीका उम्मेदवार शुभेन्दु अधिकारीले ८३ मतसहित पछ्याइरहेका छन् ।

चौंथोपटकको मतगणनामा तृणमूल कंग्रेसका अन्य हेभिवेट उम्मेदवारहरुले पनि ठूलै अग्रतासहित अघि बढिरहेका छन् । गतवर्षको डिसेम्वरमा बीजेपी प्रवेश गरेका अधिकारीले पाँचौं चरणको मतगणना हुँदा ३४,४३० मत प्राप्त गरेका थिए ।

यसअघिका दुई विधानसभा चुनाव भवानीपुरबाट लडेकी बेनर्जी यसपटक नन्दीग्रामबाट लडेकी थिइन् । कुनैबेला बेनर्जी मन्त्रिपरिषद्का एक महत्वपूर्ण मन्त्री रहेका अधिकारीले सन् २०१६ को चुनावमा नन्दीग्रामबाट टीएमसीको टिकटमा चुनाव लडेका थिए ।

प्रतिक्रिया

Leave a Reply

Your email address will not be published. Required fields are marked *