सिसनसँगको प्रेमबारे श्रृंखलाको जवाफ : ओपन सेक्रेट नै छौं !

काठमाडौं । पूर्वमिस नेपाल श्रृंखला खतिवडा पछिल्लो समय व्यक्तिगत कारणले पनि चर्चामा छिन् ।

उनको प्रेम सम्बन्ध मिडियाका लागि चर्चाको विषय बन्ने गर्छ । भ्लगर सिसन बानियाँसँगको उनको प्रेम छिपेको छैन । यद्यपी यो जोडीले अहिलेसम्म सार्वजनिकरुपमा प्रेमलाई खुलाएको छैन ।

तर, उनीहरुले ओपन-सेक्रेट ढंगले सम्बन्धलाई अघि बढाइरहेका छन् । हालै सार्वजनिक भएका केही तस्विर र भिडियो हेर्दा पनि उनीहरुले प्रेमलाई लुकाउन सकेका छैनन् ।

शुक्रबार एक टेलिभिजन कार्यक्रममा श्रृंखलालाई सिसनसँगको उनको प्रेमबारे सोधिएको थियो । जवाफमा उनले समय आएपछि भन्छु भनिन् । ‘ बेला आएपछि भनिन्छ । त्यो भएपछि खोल्दा मजा आउँछ । नचाहँदा नचाहँदै पन खुलस्त भैदिन्छ । ओपन सेक्रेट नै राखिरहेको हो’ उनले भनिन् ।

उनले प्रेम नभए जीवन खल्लो हुने बताउँदै जीवनमा सहयात्री चाहिने बताइन् । ‘सहयात्री विना हिँड्न सक्छु जस्तो लाग्दैन । थाकिसकेपछि सहयात्री भएसकेपछि आनन्द र ढुक्क लाग्छ । मायाप्रेम पनि भगवानले सोचेजर दिनुभएको हो । पे्रम भएन भने जीवन खल्लो हुन्छ’ उनले भनिन् ।

उनी मिस नेपाल भएदेखि नै सिसनसँगको सम्बन्ध गाढा भएको हो । श्रृंखलाले ब्युटी विथ पर्पस प्रोजेक्टका लागि विश्व सुन्दरी प्रतियोगितामा पेश गरेको भिडियोको निर्माण सिसनले नै गरिदिएका थिए ।

प्रतिक्रिया

Leave a Reply

Your email address will not be published. Required fields are marked *