साम्राज्ञीले थालिन् अनलाइन फेसन बुटिक, नेपालमै उत्पादन हुने पहिरन विश्वभर डेलिभर हुने

काठमाडौं । कोरोना महामारीले सेलेव्रिटीलाई वैकल्पिक अर्थोपार्जनका माध्यम अंगाल्न बाध्य तुल्याएको छ । धेरैको रोजाइमा इ-कमर्स व्यवसाय परेको छ । फिल्म गतिविधि प्रभावित बनेपछि उनीहरुले विभिन्न व्यवसायमा हात हाल्न थालेका छन् ।

लकडाउनको कारण भौतिक उपस्थितीमा हुने व्यवसायमा संकट भएपछि सेलेव्रिटीले अनलाइन व्यवसाय सुरु गरेका हुन् ।

फेसनमा रुचि राख्ने अभिनेत्री साम्राज्ञी शाहले ‘प्याप्ड’ नामक अनलाइन फेसन बुटिक संचालनमा ल्याएकी छिन् । महिलाका परिधान उपलब्ध हुने उनको यो अनलाइन बुटिकमार्फत विश्वभर डेलिभरी गर्न मिल्ने सुविधा छ । नेपालमै बनेका पहिरनलाई उपभोक्ताले विश्वभरबाट अर्डर गर्न सक्ने उनले जनाएकी छिन् ।

मोटा युवतीलाई लक्षित गरि प्लस साइजका पहिरन पनि उपलब्ध हुने उनले जनाएकी छिन् । उनले इन्स्टाग्राम लगायतका सामाजिक संजालबाट आफ्ना उत्पादनको ब्रान्डिङ समेत गर्दै आएकी छिन् । उनको उत्पादनमा स्लिकका पहिरनहरु बढी उपलब्ध रहेका छन् ।

अहिलेको लकडाउनअघि ‘रातो टीका निधारमा’ फिल्ममा देखिएकी साम्राज्ञीले फिल्म ‘तिम्रो मेरो साथ’ मा समेत काम गरेकी थिइन् । केही समयअघि उनले निर्देशकद्वय प्रवेश पौडेल र मिलन चाम्सको फिल्ममा पनि साइन गरेकी थिइन् ।

प्रतिक्रिया

Leave a Reply

Your email address will not be published. Required fields are marked *