केही समस्या भए सम्पर्क गर्न पत्रकार महासंघका अध्यक्षको अनुरोध (भिडियो) – Nepal Press

केही समस्या भए सम्पर्क गर्न पत्रकार महासंघका अध्यक्षको अनुरोध (भिडियो)

काठमाडौं । नेपाल पत्रकार महासंघका अध्यक्ष विपुल पोखरेलले कोरोना महामारीका बेला आफ्नो स्वास्थ्यलाई पहिलो प्राथमिकतामा राखेर काम गर्न पत्रकारहरूसँग अनुरोध गरेका छन् ।

उनले महामारीको बेला कार्यस्थलमा खटिने पत्रकारहरूलाई कुनै पनि किसिमका समस्या भए महासंघको सम्पर्कमा आउन भनेका छन् । कोरोनाको कारण देखाएर कुनै पनि श्रमजिवि पत्रकारलाई कामबाट निकाल्ने, पारिश्रमिकलगायत सेवा सुविधा नदिने जस्ता काम नगर्न सञ्चारगृहलाई आग्रह गरे ।

‘फ्रन्टलाईनमा रहेर काम गर्ने पत्रकारहरुको स्वास्थ्य सुरक्षा र सेवा सुविधा समयमै उपलब्ध गराई सहयोगी भूमिका निर्वाह गर्न सञ्चार गृहहरूलाई आग्रह गर्दछु’, पोखरेलले भने, ‘संक्रमित पत्रकारका लागि उपचार गराउन निश्चित अस्पतालको व्यवस्था गर्न सरकारसँग माग गर्दछु ।’

जोखिमको समयमा काम गरिरहेका पत्रकारहरुलाई कामबाट निकालिने, विस्थापित हुनुपर्ने अवस्था दोहोरिन नदिन महासंघले काम गरिरहेको उनको भनाइ छ । समस्यामा परेका पत्रकारहरूको लागि तत्काल गर्नुपर्ने काम र दीगो व्यवस्थापनको क्षेत्रमा समिति नै बनाएर काम थालेको अध्यक्ष पोखरेलले जानकारी दिए ।

प्रतिक्रिया

Leave a Reply

Your email address will not be published.

सम्बन्धित खवर