दिल्लीमा दाहसंस्कार गर्ने ठाउँको अभाव, मुम्बईसहितका राज्यमा खोप अभियान स्थगित – Nepal Press

दिल्लीमा दाहसंस्कार गर्ने ठाउँको अभाव, मुम्बईसहितका राज्यमा खोप अभियान स्थगित

दिल्ली । दिल्ली प्रहरीले कोभिड-१९ बाट मृत्यु भएकाहरुको शवलाई दाहसंस्कार गर्ने स्थानको अभाव भएको भन्दै सोको व्यवस्था गर्न अधिकारीहरुलाई आग्रह गरेको छ ।

भाइरसको दोस्रो घातक लहरको कारण अहिले भारतका विभिन्न प्रभावित ठाउँहरुमा अस्पताल, शव व्यवस्थापन र दाहसंस्कार गर्ने ठाउँको अभाव भैरहेको छ ।

भारतमा शुक्रबार मृतक संख्या २ लाख ८ हजार पुगेको छ । भाइरस संक्रमित संख्या १ करोड ८७ लाख ६२ हजार पुगेको छ । शुक्रबार एकैदिनमा संक्रमित र मृत्यु भएको अहिलेसम्मकै सर्वाधिक भएको जनाइएको छ ।

अक्सिजन र अस्पताल शैय्याको अभाव भएपछि मानिसहरुले सामाजिक संजालमार्फत हारगुहार गरिरहेका छन् । दिल्लीका एक बरिष्ठ प्रहरी अधिकारीले मानिसहरुले कोभिड-१९ मृतकका लागि छुट्याइएको भन्दा अन्य स्थानमा दाहसंस्कार गरिरहेको बताए ।

‘यसकारण थप दाहसंस्कार गर्ने ठाउँहरु बनाउनु जरुरी छ’ ती अधिकारीले एनडीटीभी च्यानललाई भने ।

चुनावी र्‍याली र पर्वजस्ता भीडभाड हुने कार्यक्रमलाई खुला ढंगले गर्न दिएको र महामारी व्यवस्थानमा चुकेको भन्दै भारतको केन्द्रीय सरकारको आलोचना भैरहेको छ ।

तर, विहिबार केन्द्रीय स्वास्थ्य मन्त्री हर्षवद्र्धनले भारतको मृत्युदर विश्वमै कम भएको बताउँदै अक्सिजन आपूर्ति पर्याप्त भएको भन्दै सरकारको बचाउ गरे । उनले अक्सिजन आपूर्ति विभिन्न विदेशीसहित विभिन्न स्रोतबाट व्यवस्थापन भैरहेको बताए । अक्सिजन र भेन्टिलेटरसहित अमेरिकाबाट ल्याइएको अत्यावश्यक चिकित्सा सामाग्रीको पहिलो खेप अहिले दिल्ली आइपुगेको छ ।

विज्ञहरुले लकडाउन र खोप अभियान नै समस्याको समाधान भैरहेको बताउँदै आइरहेका छन् । शनिबारदेखि भारतमा १८ वर्षभन्दा माथिल्लो उमेरका नागरिकलाई खोप अभियान चलाइँदैछ ।

विश्वकै सबैभन्दा ठूलो खोप उत्पादक मुलुक भएपनि भारतसँग अहिले योग्य उमेर समूह ८०० मिलियन मानिसलाई चाहिने पर्याप्त खोप भण्डारण छैन । केही राज्यहरुमा खोप अभाव भैरहेको समाचार आइरहेको छ ।

२० मिलियन जनसंख्याको आवाधी रहेको भारतको आर्थिक राजधानी मुम्बईले खोप अभाव भएको भन्दै तीन दिनअघि खोप अभियान रोकेको थियो ।

 


प्रतिक्रिया

Leave a Reply

Your email address will not be published. Required fields are marked *

सम्बन्धित खवर