बियोन्सेलाई लिएर राजनराज शिवाकोटीले बनाए गीत ‘ल्यासे पाउ’ (भिडियो)

काठमाडौं । संगीतकार राजनराज शिवाकोटीले १२ बर्षअघि सृजना गरेको गीत ‘फुलबुट्टे सारी’ अहिले चर्चामा छ । मार्मिक लामाको स्वरमा रहेको गीत १२ बर्षपछि एकाएक चर्चामा आयो ।

अनि चर्चामा रहेको गीतका विभिन्न भर्सन निस्किए। फिमेल भर्सन, चाइल्ड भर्सन हुदै लिजेण्डरी भर्सनसम्म सार्वजनिक भैसकेका छन्। यी सबै भर्सका गीतले सफलता पनि प्राप्त गरेका छन् ।

यहि गीतको कभर भर्सन गाएर यतिबेला चर्चामा छिन् युगान्डाकी गायिका बियोन्से। नेपाल घुम्न आएको बेला ट्रेन्डिङ गीतको रुपमा रहेर आफूले उक्त गीत गएको उनको भनाई छ ।

उनै बियोन्सेलाई लिएर संगीतकार शिवाकोटीले नयाँ गीत सार्वजनिक गरेका छन्।‘ल्यासे पाउ’ बोलको गीतमा राजनराज शिवाकोटीसँग बियोन्सेले आवाज भरेकी छिन्। मन्दिरा ढुंगेलले शब्द रचेको गीतलाई राजनले नै संगीत भरेका छन्।

राजेश पुमा राईले निर्देशन गरेको गीतको भिडियोमा राजन र बियोन्से फिचर्ड छन् । उत्सव दाहालले खिचेको भिडियोलाई विकास दाहालले सम्पादन गरेका छन्।

प्रतिक्रिया

Leave a Reply

Your email address will not be published. Required fields are marked *