राजेन्द्र महतोको प्रतिक्रिया- बाबुराम र उपेन्द्रले गरेको फर्जी कामले मान्यता पाउँदैन – Nepal Press

राजेन्द्र महतोको प्रतिक्रिया- बाबुराम र उपेन्द्रले गरेको फर्जी कामले मान्यता पाउँदैन

काठमाडौं । जनता समाजवादी पार्टीका लुम्बिनी प्रदेशका ४ सांसद पदमुक्त भएपछि संघीय संसदको चौथो ठूलो दलमा विभाजनको विउ रोपिएको छ ।

प्रदेशसभा सचिवालयले शंकर पोखरेल नेतृत्वको सरकारमा मन्त्री बनेका चार सांसदलाई जसपाको केन्द्रीय कार्यकारिणी समितिको निर्णय बमोजिम प्रदेश समितिको पत्रका आधारमा पदमुक्त भएको सूचनापत्र निकालेको छ ।

विहीबार प्रदेशसभा सचिवालयले सूचनापत्र निकाल्नुअघि नै अध्यक्ष महन्थ ठाकुरले उनीहरुलाई कारवाही नभएको र संसदीय दलले नै प्रदेश समितिको कामकाज गर्ने जनाएका थिए ।

यसैबीच जसपाका बरिष्ठ नेता राजेन्द्र महतोले पार्टीको कुनै पनि कमिटीले चार सांसदलाई कारवाही नगरेको भन्दै सभामुखले फर्जी सिफारिसलाई आधार मानेर कारवाही गरेकाले त्यसले मान्यता नपाउने बताएका छन् ।

नेपाल प्रेससँग कुरा गर्दै महतोले भने- हाम्रो पार्टीमा यसबारेमा कुनै छलफल भएको छैन । कार्यकारिणी समितिको बैठक नै बसेको छैन । यस्तो गलत र फर्जी काम कसरी भयो ? प्रदेश सभाका बहुमत सांसदलाई कसले कार्वाहि गर्न सक्छ ? यो निर्णय कार्यन्वयनमा आउन सक्दैन ।

अर्का अध्यक्ष उपेन्द्र यादव र बाबुराम भट्टराई पक्षले कार्यकारिणी समितिको बैठकको निर्णय भनेर २७ जनाको हस्ताक्षर सहितको पत्र पठाएको छ । ५२ सदस्यीय कार्यकारिणी समितिमा महिन्द्र यादव पक्ष समेत उपेन्द्रतिर लागेपछि ठाकुर पक्षका २५ जना छन् ।

बैठक नै नबसी जसपाको निर्णय भनेर गरिएको पत्राचार फर्जी भएको र त्यसले कानुनी मान्यता नपाउने महतोले बताएका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर