चलचित्र विपद् व्यवस्थापन कोष स्थापना, आर्थिक सहयोगका लागि आग्रह

काठमाडौं । कोरोना कहरबाट प्रभावित फिल्मकर्मीलाई राहत प्रदान गर्न विपत व्यवस्थापन कोष स्थापना भएको छ । चलचित्र विकास बोर्डको रोहवरमा स्थापित कोषमा निर्माता, कलाकार, प्राविधिक, निर्देशक समाज संलग्न छन् ।

आर्थिक संकट र विपतमा परेकालाई सहयोग गर्न स्थापना गरिएको कोषका लागि ती संघसंस्थाले देश तथा विदेशमा रहेका नेपालीलाई सहयोग गर्न आग्रह गरेका छन् ।

विकास बोर्ड अन्तर्गत रहेको कोषका लागि सिटिजन बैंकमा खाता खोलिएको निर्देशक समाजकी अध्यक्ष रक्षासिंह राणाले बताइन् । महामारीसँग सबै चलचित्रकर्मी एकजुट भएर लाग्न समेत निर्देशक समाजले विज्ञप्तीमार्फत आग्रह गरेको छ ।