नेपाली डिजाइनरको पोशाक लगाएर उपराष्ट्रपति कमला ह्यारिस अमेरिकी संसदमा

न्यूयोर्क । अमेरिकी संयुक्त सदनलाई राष्ट्रपति जो बाइडनले विहिबार सम्बोधन गरेका छन् । बाइडनले मञ्चबाट सम्बोधन गरिरहँदा उपराष्ट्रपति कमला ह्यारिस र सभामुख नेन्सी पेलोसी राष्ट्रपति बाइडेनको पछाडि उभिएका थिए ।

अमेरिकी इतिहासमै पहिलोपटक राष्ट्रपतिले संसदलाई सम्बोधन गरिरहँदा सभामुख र उपराष्ट्रपति महिला उभिएका थिए । यी दुई महिला कार्यकारीहरुको पोशाक र गेटअपको निकै चर्चा भयो ।

अन्तर्राष्ट्रिय संचारमाध्यमले ह्यारिस र पेलोसीको फेसन स्टेटमेन्टको निकै चर्चा गरेका छन् । ह्यारिसले नेपाली फेसन डिजाइनर प्रबल गुरुङको डिजाइन पहिरिएकी थिइन् ।

ह्यारिसले गुरुङले डिजाइन गरेको डबल क्रिप क्रिम सुट र सिल्कको चार्मयुज लगाएकी थिइन् । प्रबलले यसलाई इतिहासकै शक्तिशाली क्षण भएको र आफूलाई खुशि लागेको प्रतिक्रिया दिएका छन् ।

ह्यारिसले यसअघि पनि एक औपचारिक कार्यक्रममा गुरुङको डिजाइन लगाएकी थिइन् ।

 

प्रतिक्रिया

Leave a Reply

Your email address will not be published. Required fields are marked *