आइसीसी वरियतामा कुशल भुर्तेलको फड्को, ६३ औं स्थानमा उक्लिए – Nepal Press

आइसीसी वरियतामा कुशल भुर्तेलको फड्को, ६३ औं स्थानमा उक्लिए

काठमाडौं । हालै भएको त्रिकोणात्मक सिरिजमा शानदार प्रदर्शन गरेका युवा ब्याट्सम्यान कुशल भुर्तेलले आइसीसीको टि–२० वरियतामा उच्च सुधार गरेका छन् । आइसीसीले सार्वजनिक गरेको पछिल्लो वरियताक्रमअनुसार उनी ६१ औं स्थानमा उक्लेका हुन् ।

नेपाल, नेदरल्यानड्स र मलेसिया सहभागी त्रिकोणात्मक सिरिजमा कुशलले सर्वाधिक स्कोर गर्दै म्यान अफ दि सिरिज बनेका थिए । ५ म्याचमा २ सय ७८ रन बनाएका उनले चार अर्धसतक प्रहार गरेका थिए । सोही प्रदर्शनले उनलाई आइसीसी वरियतामा माथि उकालेको हो ।

अघिल्लो सुचीमा पहिलोपटक टप १०० भित्र अटाएका कुशल ९३ औं स्थानमा थिए । तर, नयाँ सूचीमा उनले ३२ स्थान सुधार गरेका छन् । उनले अष्ट्रेलियाका स्टिभ स्मिथ, भारतका रिसभ पन्त, न्यूजिल्यान्डका रोज टेलर, ईंग्यान्डका जोय रुट जस्ता ब्याट्सम्यानहरुभन्दा उनी अगाडि छन् ।

टप १०० मा कुशलसहित नेपालका तीन ब्याट्सम्यान छन् । पूर्व कप्तान पारस खड्का ८८ स्थानमा रहँदा हालका कप्तान ज्ञानेन्द्र्र मल्लको ९४ औं स्थान छ ।

दिपेन्द्रको पनि फड्को

त्रिकोणात्मक सिरिजमा उच्च प्रदर्शन गरेका ब्याट्सम्यान दिपेन्द्रसिंह ऐरीले पनि बरियतामा निकै प्रगति गरेका छन् । एक सय ६४ आंै स्थानबाट फड्को मार्दै उनी एक सय ८ औं स्थानमा उक्लेका हुन् ।

बलिङतर्फ नेपालका सन्दिप लामिछाने मात्रै टप १०० भित्र परेका छन् । उनी ७७ औ स्थानमा छन् ।


प्रतिक्रिया

Leave a Reply

Your email address will not be published. Required fields are marked *