मतदानका दिन मनाङे संसदमा अनुपस्थित, फोन पनि स्वीचअफ

पोखरा । मनाङ ‘ख’ बाट स्वतन्त्र चुनाव जितेका राजीव गुरुङ ‘दीपक मनाङे’ संसदमा उपस्थित भएका छैनन् ।

मुख्यमन्त्रीविरुद्ध अविश्वास प्रस्तावमा हस्ताक्षर गरेका दलले सम्पर्क गर्न खोज्दा पनि उनी सम्पर्कबाहिर रहेका हुन् ।

उनी मोबाइल स्वीच अफ गरेर बसेका छन् । आजै मतदान हुने कार्यसूची छ । पहिले फोन गर्दा नउठाएको र पछि अफ गरेर बसेको बताइएको छ ।

पहिले मुख्यमन्त्रीलाई साथ दिने भनेका उनले पछिल्लो समय जनमोर्चाले जता भोट हाल्छ उतै आफू उभिने अभिव्यक्ति दिएका थिए ।